Ги потенциравме нашите барања и генерално го усоглаисвме текстот на амандманите. Се надеваме дека утре рано Владата ќе го достави документот до Собранието, изјави пратеникот Крсто Мукоски од новата пратеничка група на ВМРО-ДПМНЕ и коалицијата по средбата со премиерот Зоран Заев за уставните амандмани, која се оддржа во Собранието.

Тој повтори дека нивните барања се однесуваат на дополнително зацврстување на македонскиот идентитет, културно наследство и јазикот. Постепена промена на името за внатрешна употреба, следејќи го процесот што води кон полноправно членство на Македонија во ЕУ, поништување на сите амандмани кои произлегуваат од договорт во случај Грција да не го ратификува.