Под мотото „Време е за чист воздух“, денеска скопјани протестираа пред Инспекторатот на Град Скопје.

„И ти го дишеш истиот воздух“,„ Ставете налепници на тешката индустрија“, „Не можам да дишам!“, „Чист воздух, здрави деца“, беа дел од пораките кои ги упатија граѓаните до надлежните.

Демонстрантите упатија и критика дека е многу мал износот од 1,5 милиони евра што е проектиран за намалување на аерозагадувањето.

Според граѓаните кои се организираа преку социјалните мрежи, има премногу неправилности и недостатоци кои треба итно да се коригираат, како проблемот со автомобилите, работата на депонијата „Дрисла“, грејните средства на БЕГ, зеленилото во Скопје и гасификација на градот.

Граѓаните бараат мерки кои треба итно да се спроведат. Тоа е привремена забрана за работа и процентуални казни согласно со профитот на големите индуструски објекти додека не воспостават еколошки стандарди, по примерот на „Југохром“, итно и безбедно отстранување на опасниот отпад – линданот во близина на „Охис“.