Вкупно досега за сите три фази по Програмата за финансиска поддршка за 2018 година се исплатени се 476 милиони денари.

Платежната агенција на сметките на 7.877 фармери кои исполнуваат услови за добивање финансиска поддршка, исплати 222 милиона денари за субвенции за трета фаза произведено и предадено млеко, односно, за млеко предадено на преработувачки капацитет во период од мај до септември 2018 година.

„Се заокружува исплатата на прва, втора и трета фаза за субвенциите за предадено млеко во текот на минатата година. Вкупно досега за сите три фази по Програмата за финансиска поддршка за 2018 година се исплатени се 476 милиони денари, за субвенции за кравјо млеко од 3,5 денари за литар, и за субвенциите за козјо и овчо млеко по 4,5 денари за литар“, информира Агенцијата.

Според директорот Николче Бабовски, Владата од почетокот на мандатот до денеска исплати вкупно 331 милион евра финансиска поддршка во агро секторот. „Докажуваме дека целосно сме посветени на модернизација, развој и поддршка на нашето земјоделство“, нагласува Бабовски.