Членот на ИК на ВМРО-ДПМНЕ, Димитар Димовски денеска на прес-конференција изјави дека партијата ќе поднесе кривична пријава против премиерот Зоран Заев за поткуп на гласачи.

„Бараме Републичкиот Јавен обвинител, да излезе од сенката на пупката која Зоран Заев ја „расцвета“ во правосудниот систем, и да постапи согласно член 39 од Законот за кривична постапка при што ќе отвори истрага за наводите во кривичната пријава која ја поднесуваме“, рече Димовски.