Видео: Македонец до смрт ја избодел сопругата на паркинг во Австрија

Македонски државјанин до смрт ја избодел својата сопруга на паркинг во Австрија, известуваат австриските медиуми. Страшната трагедија се случила вчера напладне кога според медиумите, осомничениот за убиството ја пречекал својата сопруга на паркинг пред супермаркет каде ја убил пред очите на повеќе сведоци.

Австриската полиција соопшти дека жртвата е повеќе пати избодена со нож во вратот и дека починала на лице место, а мотивот за ваквото грозоморно убиство дополнително се истражува.

Осомничениот е 36 годишен државјанин на Македонија. Од Македонија е и неговата веќе почината 32-годишна жена, која била мајка на две деца.

Децата на брачниот пар се на возраст од шест и десет години и тие не биле на местото кога се случило убиството. По трагедијата биле згрижени од институциите.

Осомничениот е уапсен и е пронајдено е оружјето со кое е извршено убиството.

Login

Welcome! Login in to your account

Remember me Lost your password?

Lost Password